Accéder au contenu principal

Dr Jerry Gilles korije Dany Laferière sou yon koze listwa Dayiti

 

Dr Jerry Gilles korije Dany Laferière sou koze listwa Dayiti 

Dani Laferyè ensiste pou l montre nan Istwa Ayiti, pale franse pa di lespri.


""après l’extermination des Indiens « on se tourna vers le fleuve musculaire de l’Afrique pour assurer la relève du désespoir »""Dany Laferiere.

Pesonn pa ta pran konn pale Anglè pou dwa lapawòl kòm konesè istwa Ayiti. Dani Laferyè pa sispann pran woulib franse pou l repete kliche rasis nan jan li prezante istwa Ayiti. Remake, Natif yo pa t rele tèt yo Endyen, e desandan yo bouke mande moun pou pa rele yo daprè non asasen ba yo. Men, ki mele Dani Laferyè k ap fè enferyè pou l di yo te chankre sou Afrik pou fòs fizik. Misye gen lè pè bouch li. Li pa di n ki yo ki te chankre sou Afrik la. E li pa di n yo te chavire sou Ewopeyen pou fòs fizik yo kòm esklav tou. Sa te vin sispann paske esklav sa yo te fonn twò fasil pami popilasyon lib la. Mezanmi èske vrèman Dani Laferyè konprann, kòm Eritye Ginen, li gen fòs miskilè pase Anòl Schwastnigè (Arnold Schwarzenegger). Adye!


Dani Laferyè manke konprann esklavaj te piye fòs entelektyèl nou tou. Moun pa ka piye youn san lòt. Se tèt ki mennen kò. Piyay konesans Afriken te ede kolon siviv nan yon milye twopikal pou premye fwa. Y aprann fè lavman pou retire vè nan entesten yo. Y aprann inokilasyon pou vèrèt. Tout sa se twòkèt la. Ak defo rèskolon, misye vle lese konprann nou pa menm mak Nèg ak Ameriken Nwa. Se defo moun k ap oryante istwa n nan je Lafrans pou chèche yon pèp pou pase anba pye yo. Dyesi Dyaksonn (Jessie Jackson) te pi byen di lè l te di: " Sèl diferans ki genyen ant yon Eritye Ginen Ayisyen ak yon Ameriken Nwa se kote batiman esklavajis yo te lage l". Sa klè, pale Franse se youn. Konn istwa Ayiti se 2.


Nan fraz Dani Laferyè a, se kiyès ki te bezwen soulaje dezespwa yo? Se nan je kiyès Dani Laferyè wè istwa Ayiti? Sa klè se pa nan je Ayisyen ki t ap mouri nan dezespwa e ki kreye mo zonbi pou dekri dezespwa esklavaj.  Nonplis, se pa nan je Franse tankou Sivik-de-Gastin ki te soutni Revolisyon Ayisyen an nan epòk la menm. 


Regretan se nan je kolon yo menm, Dani Laferyè eksprime franse malkonprann ni sou istwa Ayiti, e se pa premye fwa.


(M ap remèsye Maggy Desilier  ki mete m okouran de pawòl Laferyè a)

Commentaires

  1. Doktè Jerry Max GILLES, li pagen pretansyon korije ki konk , se yon moun modès kel ye, li pap fè etalaj konesans tou. Li jis te vle retabli ou verite pou limanite, pou tout moun kap fè rechech tou. Tankou, moun ki konnen yo konn di desandan Ginen yo te gen ou kò sen lan ou lespri sen. Se te jis ti limye as kem te vle pote pou evite ou polemik ant 2 pitit valab peyi dayti

    RépondreSupprimer

Enregistrer un commentaire

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.