Accéder au contenu principal

Lafanmi Ibo

 Lafanmi Ibo



Jeneral Moko, yon Jeneral Ibo, nan Lame Endijèn ak yon divisyon militè Ibo sou lobedyans li, m ap fè sèvis ou. Lafanmi Ibo, m ap fè Sèvis nou,


Mari Ibo, mwen rele l, mwen pa deranje w, mwen vin di w mwen swete yo pa t janm arive kenbe w.


Lafanmi Ibo, nou te jwenn soufrans nan lavi, m ap asire nou jwenn Sèvis nan lanmò.


Mesye dam lasosye, se tout bon, Ansyen yo te pase pa yo anba men Kretyen Vivan Kolon, epi pou jodi a, pou sèten pastè ap vin di pou Eritye Ibo yo pa fè Sèvis pou Ansyen Ibo yo. Mwen twò apresye Mò Fanmi m, pou apre soufrans nan lavi, pou se ak mepri pou m ta trete yo nan lanmò.


Sou zile a, Fanmi Ibo n yo pa t jwenn respè yo te merite nan men Kolon, Pèchè Latè, Deranje Sosyal. Tanpri voye di pastè yo mwen respekte tout moun, men mwen Sèvi Lafrik Ginen: Nèg Dahomen, Nèg Awousa, Nèg Nago, Nèg Bò Mayi Fado, Nèg Kouloubwa mennen, Nèg Taya Wanga Si E.  Epi jodi a m ap fè Sèvis Ibo yo. 


Ansyen Fanmi Ibo m yo te jwenn imilyasyon total. Jodi a, lakay mwen, y ap resevwa admirasyon total. San yo koule lan venn mwen pou l al touche kè m. Se yo, se mwen. Devan kontribisyon moral Jenerasyon ki fè Revolisyon Ayisyen an, enben, tankou Papa Desalin ta di, mwen pa p desann lan tonm mwen, san m pa fè Sèvis yo.


Mesye dam, gad pèsekisyon nan reklam sa a ann "Ayiti" kote kolon yo t ap eseye remet men sou Mari. Yo kwè li Ibo oubyen Kowomanten. Pa okipe n, yo mal ekri Kowomanten an, vagabon yo ye.  Se pa kòlè ki fè m rele yo vagabon. Se Lwa Entènasyonal Dwa Moun, ki make moun ki derespekte dwa moun, kòm vagabon sal. 


Remake, reklam nan foto a pibliye 3 Janvye 1784.  Men, apre Revolisyon Ayisyen an kòmanse an 1791, reklam kon sa sispann fèt sou teritwa a.  Revolisyon Ayisyen an fè moun ki te achte Nèg Ginen pou danre, pèdi lajan yo. 


Nanpwen moun ki pi sakre pase Jenerasyon ki fè Revolisyon an. M pa p janm sispann fè Sèvis yo. Jodi a m ap rele Ibo, sou tout Teritwa Ibo, sou Laplas Ginen. M ap fè sa, nan pwòp lang yo paske kòm Ayisyen ki respekte Grann, mwen aprann kèlke mo nan lang Ibo, la a pami Eritye nan peyi nou:


Lafanmi Ibo, se mwen menm, Eritye:


Ibo Lele

Ibo Kama

Ibo Swaman


Ayayay!


Men si m te la

Lè grann mwen te la

Li ta montre m danse Ibo


Ayaman Ibo lele

Lele, Lele.


Dr Jerry Gilles 

Commentaires

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.