Accéder au contenu principal

Yon saj ale kite nou

 Yon saj ale kite nou 

Sàmdi premye me a, sòlèy la te fenk parèt li deyò, pandan tout moun ap prepare yo pou fete fèt lagrikilti ak travay, bri kouri nouvèl gaye. Se pa nenpòt nouvèl non, se nouvèl bri lanmò youn nan moun ki te pi saj, moun tout moun nan komin lan. Réginald Douzable pa Sokrat ki se sajès nan tout dimansyon li dwe ye sepandan tout moun konnen misye te saj anpil anpil. Se poutèt kèk tan apre bri lanmò, Pierre Albert Gilles, youn nan bon zanmi defen pat egziste di ke Reginald Douzable " c'est la sagesse personnifiée". 

Nouvèl lanmò militan sa fè anpil moun raple anpil souvni de misye pandan lè li te vivan. Genyen ki raple lè misye desann nan sant vil la, jan li te konn relaks ak yo, koule bweson ak yo. Sa tou ki raple chanpèt yo te konn ale ak li. D apre ti frè li Abelard ki t'ap fè yon ti pale ak nou de fwòtman li ak gran frè li, li di Reji se yon nèg ki pat egzijan, se yon nèg ki te koul anpil. 

Réginald Douzable ki ale kite nou an te pouse premye kout rèl li 3 jiyè 1974 nan lokalite Bwadebou, 2è seksyon. Se te pitit ansyen majistra Jacques Douzable ak Yvrose Léveillé ki se yon fanm kiltivatè. Tibe jan moun li yo te konn rele li a se yon ansyen pwofesè nan Lekòl Kominotè Abriko (École nationale Expert jounen jodi a), yon ajan sante polivalan ki t'ap ofri sèvis li ak sant sante Pestèl sòti nan lane 2015 pou rive jouk li rann souf li a, se te yon jwè foutbòl, Kòwodonatè ASEK nan 2è seksyon. Misye kite yon sèl pitit gason ki gen 13 lane sèlman. San nou pa bliye, misye se te yon gran bwasonyè epi ki te konn fimen ti sigarèt il yo. 

M'ap sonje pandan mwen t'ap fè premye travay rechèch sou komin Pestèl, Reji jan nou te konn rele Pestèl te resevwa yon dimanch apremidi pou li te eksplike listwa anpil fanmi nan 2e seksyon. Li ta pral pale de fanmi Mélé ki ta sanse yon defòmasyon de Léveillé, de Bruneau, Étienne ak lòt ankò. M'ap sonje ak ki sajès li t'ap banm enfòmasyon sa yo ki sèvi m anpil nan dokimantasyon mwen yo. Se de veritab ipotèz ki mete m sou anpil pis refleksyon.

Réginald pat bezwen konnen klas sosyal ou, relijyon ou, fanmi politik ou pou li zanmi ak ou. 

Pestel connexion blog ap koube li pou li salye depa gwo gason ki te nan ekip politik FRN. Pou respè misye montre li genyen pou mwen lè li kwaze m, mwen pa ka kite endiferan pou mwen pa ta voye kondoleyans nou bay fanmi Douzable, Léveillé, sèl pitit gason li Rénalson Douzable, manman li Yvrose Léveillé, frè ak sè li yo Lys-Anne, Nicole, Abelard, Clotaire, Kedzer, Ricot Douzable, Marie Lyse Douzable, Nicole Douzable,Grégory Douzable, Jasmine Douzable, Yanick Douzable, Frédéric Douzable, Junior Douzable, kouzin ak kouzen espesyalman Ricardo, Clarel, Martine, Widner, Lesly Douzable nyès ak neve, tant ak Tonton li yo, bèlsè ak bòfrè li yo, zanmi li yo, kolaboratè li yo nan sant sante a, ak tout moun ki te konnen Réginald Douzable.

Nou swete tè a pa lou sou nanm ou. 

Commentaires

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.