Accéder au contenu principal

Chanel Bernard, prezidan klèb U-report Pestel, ap di kijan li wè fòmasyon estrikti sa anndan komin lan

 Chanel Bernard, prezidan klèb U-report Pestel, ap di kijan li wè fòmasyon estrikti sa anndan komin lan 

Nan dat li te 29 jen an, Òganizasyon entènasyonal UNICEF te nan lakou Pestel pou lanse aktivite U-report ki s on zouti k'ap pèmèt jenn yo fè pledwaye pou chanjman nan kominote yo. Atis Jean Jean Roosevelt ki se anbasadè Unicef nan kad pwojè sa te endike jenn ki te la tout sa pou yo fè pou yo ka antre sou platfòm pou yo ka vin manm. Se nan kontesk sa, klèb U-report Pestel la te tou fòme. Chanel Bernard jenn yo te chwazi pou prezidan estrikti a ap di kòman li wè inisyativ sa anndan komin lan.




PCB: kisa sa vle di okipe pòs prezidan nan tèt klèb U-report Pestel ? 

Chanel Bernard: Mèsi ak chak grenn jèn ki chwazi mwen san ezite pou mwen #Prezidan pwogràm sa. Se yon bèl opòtinite pou'm rapwoche mwen plis bò kote nou e kèlkeswa kote nou ye nan komin lan!

Mwen ak ekip mwen an pral travay ak jèn yo pou nou fè lakay nou Pestel benefisye kèk avantaj. Nou konnen li deja kèlkeswa kote mwen ye mwen toujou vann lakay mwen pozitivman e sa ap toujou fèt paske lakay mwen Pestel twò bèl poul vyèj nan eta sa. N'ap toujou chache fè etranje kou ayisyen anvi vizite bèl komin sa a. N'ap toujou chache pou nou fè pitit tè Pestèl yo tounen vin envesti lakay yo. N'ap toujou goumen pou nou fè sèvo Pestel yo tounen vin ede lakay yo paske nou gen twòp resous ki deyò. Vin ede kominote nou paske Pestèl bezwen yon bon Lekòl pwofesyonel pou'n avanse pou lenstan...
Nou konnen problèm komin lan anpil men nan ret konekte youn ak lòt pou enterè lakay nou; mwen panse n'ap rezoud sak gen pou rezoud!

PCB: Kilè nou prevwa fè premye rankont nou la?

Chanel Bernard: Mwen menm ak ekip la gen pou nou chita pale dimanch vè 5h nan aprè midi pou nou kòmanse fòme gwoup la e fè tout moun konn wòl yo.E nou gen pou nou chita pou nou debat anpil sijè pou nou chache fason poun fè jèn plis entèrese.
Nou gen anpil sijè ki trè entèresan. E mwen sèten w'ap jwenn plis detay prochèn fwa. Men mwen menm mwen poko ka detaye yo paske fok mwen chita ak ekip mwen an avan. 

PCB: Kijan ou konte fè plis jenn enplike nan mouvman an ?

Chanel Bernard: Bon kòm ou konnenl deja sitou nan mouvman mw ye a ki se mouvman Dj a, gen anpil anpil jèn k'ap swiv mwen sitou sou rezo sosyal yo donk mwen panse ak sa map tou jwenn yon opòtinite pou mwen esplike yo de mouvman an e fè yo konprann ke sipò yo antan ke jèn konte anpil pou mouvman U-Report la e esplike yo ki benifis nou ka jwenn ak club U-Report la pou komin lan...

Tank yon jèn enskri se tank l'ap vin yon manm e chak manm sa yo pral jwe wòl anbasadè pou nou fè plis jèn konn mouvaman an jis pou yo ka vin entèrese plis. 

PCB: Ki pwojè nou idantifye deja pou nou ta soutni bay unicef?

Chanel Bernard: Komin lan chaje ak pwoblèm. E fòk nou pa mete nan tèt nou ke yo pral rezoud tout pwoblèm yo pou nou. Men janm te diw la deja, mw poko ka ba ou twòp detay paske club lan apèn kreye e nou poko ka rive touche pwen ke nou pral defann pou kominote a. 
Ann kite sa pou yon lòt entèvyou.

PCB: Yon dènye mo ?

Chanel Bernard: Se yon ekip nou ye, donk se nou tout ki pou deside. 

Commentaires

  1. Bon travay bbm yo ke bondye gide nou nan travay la e poul ede nou plus pou devlopman komin nan

    RépondreSupprimer

Enregistrer un commentaire

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.