Accéder au contenu principal

Men bon kay lasyans modèn. Pa di m ou pa t konnen.

 Men bon kay lasyans modèn. Pa di m ou pa t konnen.



Lasyans se konesans modèn ki chita sou eksperyans nou fè deja. Gen plis pase 500 ane eksperyans nan bati kay bwa-wòch-tè  ann Ayiti. Konesans sa a soti depi nan Ginen kote Ansyen yo te konn bati mòd kay sa yo. Ki fè, yo fè prèv yo deja. Yo fè sa nan tout sans.  Yo fè l nan efikasite distribisyon chanm anndan yo.  Yo fè sans nan jan yo fèt ak pwodui lokal, ak konesans lokal, a bon mache ankò pou fasilite tout moun. E se sa nou bezwen pou tout bagay. Nou bezwen pou tout moun jwenn. Konesans akitekti Eritaj Ginen an pèmèt sa.


Sa pa ret la. Yo reziste tranblemantè pi byen pase kay blòk Ayiti yo. E menm lè mi yo tonbe, yo pa fasil kokobe moun tankou blòk dekonm siman yo. Tout sa se avantaj ki pa diskitab. Avantaj yo la, ap tann sosyete a ranmase bon sans li pou n pwogrese ak fyète Eritaj nou anba zèl nou. Lè nou vire do bay konesans lakay, se koupe nou koupe zèl nou.


Kalite kay sa yo Ayisyen bati se bagay ki gen gwo enpak sou akitekti Ameriken. Sa te rive paske, apre Bwa Kayiman, nan epòk Lagè Endepandans la, plis pase 20 mil "Ayisyen" te rantre Lalwizàn epi mòd kay andeyò Ayiti yo vin sèvi modèl pou loje yon pil moun Etazini ki pa t gen kay.  


La a, mwen byen kontan Frè Jowèl andose mòd kay sa yo. Mwen swete li fè sa ak tout konesans ke se nan Eritaj Ginen an kay sa yo soti. Yo ansyen ansyen, depi nan Ginen. Li te lè, li te tan pou Frè Jowèl montre apresyasyon pou bagay ki pa soti kay pwòp zansèt li ann Ewòp ak kay moun Mwayenn Oryan an sèlman. 


An jeneral gen moun ki gen defo pratike koutim Ginen an, lè yo manke konn se sa y ap fè. Lòt jou mwen wè foto Pastè Gregori Tousen ak cheve l koupe byen ba, menm jan gason tankou Kadya Bosou te konn koupe cheve yo depi nan Ginen.  Li fè sa paske vle pa vle san pa pèdi. L a rayi san l, men san an pa p pèdi. 


Se kon sa, se lè yo konnen tèltèl bagay soti nan Eritaj Ginen, se lè sa a yo lage move bouch sou li. Gen yon pil bagay ann Ayiti, sèten moun pase sou yo, san kritik paske yo manke apresye rasin yo. La a, manke konprann konn bon tou. Mwen swete Frè Jowèl anbrase mòd kay sa yo ak je klè, paske avantaj yo klè. Rasin yo klè.


Tout sa, se pou m montre jan m apresye videyo Frè Jowèl fè ak teknisyen Ayisyen an ki chita sou Eritaj Ginen li pou l pouse konesans pi lwen toujou.  Lè lasyans modèn kontre ak eksperyans konesans Rasin, se wololoy ak tout degi bon mache ladan n. Oke!


Dr Jerry Gilles 

Commentaires

  1. Mwen we video a tou mwen tombe damou kay la sof ke yo pa di konbyen chanm yo fe pou yon kay nòmal a pri yo di a pou si yon moun ta vle fe youn ki pi gwo konbyen li ka koutel. Men se a felisite

    RépondreSupprimer

Enregistrer un commentaire

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.