Accéder au contenu principal

Rasin anblèm drapo Ayiti a: Dr Jerry Gilles

 Rasin anblèm drapo Ayiti a



Revolisyon Ayisyen an, Revolisyon Ameriken an, Revolisyon Fransè a te sèvi ak ide ki te alamòd pou moun di alepòk. Libète, egalite, fratènite, se te pawòl ki te  alamòd menm anba bouch moun ki pa t kwè nan sa. Se vrèman Revolisyon Ayisyen an sèlman ki  te mete koze sa yo ann aplikasyon tout bon. Kon sa tou, pawòl libète ou lanmò te alamòd tou. Se pou sa menm Revolisyonè Ameriken yo te konn di: "Give me liberty or give me death", ki vle di se swa ou ba m libète, oubyen ou ba m lanmò. Ankò, se ann Ayiti pawòl sa yo te pran fòs yo tout bon anba bouch moun tankou Lamou Derans, san bliye Papa Desalin.  Pawòl Tousen Louvèti sou afè pyebwa libète a, se pawòl ki soti nan menm moul ide popilè kay Revolisyonè epòk la tou.


La a menm, Revolisyon Fransè vin sitire yon pakèt anblèm ki senbolize libète vèbal sa a ak tout zouti lagè ki te pèmèt Revolisyonè fransè yo pote laviktwa sou wa a. Se kon sa Sontonaks te sèvi ak yon anblèm parèy anblèm drapo nasyonal nou an. Anblèm Wochanbo te tèt koupe ak anblèm drapo nou an menm lè se pa t janm libète tout bon Wochanbo te vin defann pou Napoleyon. Kit Lafrans pa t sou blòf, e kwak li te sou blòf, Ayisyen batay pou libète pou tout bon,  epi nou ranmase anblèm nan pou tout bon tou. 


Mwen pa ka di w ki Fransè, e nan ki dat li te premye desinen anblèm nan. Men mwen pa di mwen pa okouran de okenn anblèm kon sa kòm anblèm ofisyèl Lafrans sou teritwa a anvan Revolisyon Fransè a. Se flè-de-liz la ki te sèvi kòm anblèm Wa Lafrans yo. Se ak tanp ki gen fòm flè sa a yo te konn tanpe anpil Eritye Ginen  pou montre se byen materyèl Lafrans moun sa yo te ye. 


Pandan sou Petyon anblèm nan vin fè pati de drapo peyi a, Petyon retire fi ki te senbolize jistis nan anblèm Wochambo a epi li ranplase l ak yon pye palmis. Ekriven Filip Jira di Palmis la pa fouti gen arevwa ak Vodou paske si se te sou enfliyans  Vodou li te chwazi l, se ta yon pye mapou li ta mete. Mwen menm, mwen ta renmen voye di  Filip Jira, li poko konn Vodou. Li poko konn Eritaj Ginen an.


Mesye dam lasosyete, depi nan Ginen, moun te remake palmis pouse dwat. Sa suiv direksyon limyè, san sa pa suiv direksyon move kouran van. La a menm palmis vin reprezante fòs moralite. Gen yon espresyon sou Lakòt Ginen ann Afrik ki di sa tou. Epi tou, se pou sa menm lè moun ap inisye Vodou, yo fè chapo ak fèy palmis ki gen franj pou kouvri figi yo pou montre yo vlope anndan moralite.  Nan Ameriken-di-Sid, gen kominote Eritye Ginen ki antoure kay yo ak fèy palmis pou move espri pa rantre. Non Ayizan derive de non fèy palmis nan lang Gedevi Dahomen. Ayizan se Lwa ki patwon Inisyasyon Vodou, e li gen desen fèy palmis kòm vèvè l. 


Koze palmis la long. Men tou kout, Ayiti se yon peyi ki te kanpe nan mitan move kouran pou prensip moral: tout moun se moun. Nan mitan move kouran esklavaj tout alantou l, Ayiti te kanpe dwat pou prensip moral sa a. Se pou sa nanpwen okenn kote palmis pouse pou pi bèl pase nan mitan drapo a.


Dr Jerry Gilles 

Commentaires

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.