Accéder au contenu principal

2022, ane konba pou sove Pestèl

2022, ane konba pou sove Pestèl 




Listwa pral gen di pou Jenerasyon apre nou  lane 2021 se youn nan pi move ane  moun Pestèl te konnen nan vi yo; nan defèyte achiv,  pitit pitit nou pral aprann konnen tout malè pandye ki te rive nou. 


Listwa gen pou fè yo konnen te  gen yon tranbleman tè 7.2 sou ritchtè a ki soukwe Komin lan. Moun mouri, bèt mouri, Kay kraze, lanati debwate. Konsa tou, nou gen pou sezi wè ki gen anpil aksidan sikilasyon, nofraj. Granmoun kou timoun te kriye. Lespwa tonbe nan dezespwa. Anpil pwojè kanpe nan wout. Lavichè, razè, fristrasyon, degoutans fè moun pèdi diyite yo. Anpil oblije te rete ap tann èd san valè ONG. 


Sou tout liy 2021 pa bon pou nou. Pwojè pa ateri. Se sel non endijan nou pat pote. Pa gen pwojè sosyal pou wete moun nan sa yo. Si se pat lanati ki fè moun jwenn manje se t ap kriz grangou. 


Pandan ane 2021, nou pa rann kont diskou nou, konpotman, manèv fè Pestèl anpil mal. 


2021 an te pote kochma, soufrans konsa tou li fè nou wè fòk nou goumen te rejwenn fyète nou, swiv batay Gorman t ap mennen sou bout tè nou ye la. Li fè nou wè fòk youn solidè ak lòt pa nan move zafè, nan tolere sa ki entolerab men mete men pou nou voye pi bon siyal. 


2022 dwe yon ane Konba kont lamizè, divizyon, koripsyon, lese grennen, manboufen. 


2022  dwe yon ane konferans pou panse Komin lan. Sitiyasyon detrès n ap viv dwe yon opòtinite pou nou avanse. Avanse ak sa ki vle. Nou dwe kòmanse reflechi ki Pestèl nou vle pou 200 lane dat n ap gen pou selebre depi li Komin. 


Se ta dwe yon lane renouvo pou nou, yon lane pou nou gade tèt nou nan glas pou nou wè betiz nou fè yo, kote nou mete Komin. Nou ta sipoze di nou koupab. Kisa nou ta dwe fè e nou pa fè? Kisa nou te fè e nou pat dwe fè? Eske gen moun ki ka fyè de tretman Komin lan? 


Non! Nou dwe anpil vye chwa ki mennen nou la. Nou tolere sa nou pat dwe tolere. Nou kite ego mennen nou. Nou kite foli pouvwa fè nou goumen kont zanmi nou, fanmi nou. Nou goumen pou sa ki p ap bay rezilta. 


Politik pa ka chanje Pestèl. Soulve youn kont lòt pa ka chanje Pestèl. Diskou nèg anwo kont nèg anba pa ka Komin lan. Diskou nou pi bon nonplis pa ka fè nou avans. Solisyon chanjman an se pwojè. 


Nou twò rezilyan pou nou pa egzijan. 


Ann  ekri listwa kite pou lot Jenerasyon yo. Ann fè sa sila anvan nou pat gen Chans fè. 


An pasan, Pestel connexion ap swete bon konba ak tout moun ki gen chans travèse nan lane 2022 a. 


2022 fwa pi vijilan, pi egzijan, pi detèmine, pi pozitif e pi aktif pou nou veye move zye ki vle divize nou, ki vle kenbe Komin lan nan make pa sou plas. 


Pestel  connexion blog 

Commentaires

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.