Accéder au contenu principal

Manno Chalmay

 Manno Chalmay:



Pou mwen vwa Manno Chalmay te reprezante espwa mwen te genyen depi 1985 pou demokrasi fleri, pou dwa moun respekte. Manno ale, men li kite vwa l anrejistre sou plizyè plak, men nanpwen kote vwa l pi byen grave pase nan memwa nou. Misye te esplike verite ki dèyè dwa nou tout genyen kòm sitwayen planèt la pou nou sikile jan nou vle. Kouman ankò pou Manno te esplike dwa Ayisyen genyen pou TPS la pase:

 

<< Èske Kristòf Kolon te gen alyenn kat. Lakay yo chire po nou, isit yo kraze do nou, tou patou yo sèl wa. Se pa mwen ki sou do bèf la se bèf la ki sou do m. >> 


Pawòl verite Manno Chalmay yo grave nan memwa m tankou sa grave nan memwa kouzen m yo ann Ayiti ki  t ap pase kasèt Manno yo an sekrè tankou trak kont sitiyasyon politik mabyal Ayiti a. Sa k ta di jodi a leta t ap kontinye sèvi ak gang jis l arive pèdi kontwòl yo. 


Nan epòk m ap pale n nan, posede yon kasèt Manno ann Ayiti te mande fyèl, e se te ka yon enpridans tou.


Apre premye plak Manno ak Mako a, Mako pran egzil epi se kon sa mwen rankontre Mako nan repetisyon yon dyaz kay yon zanmi m. Kwak mwen pa mizisyen, men petèt mwen te nan dyaz la tou. Nou tout te zanmi, ki fè manm dyaz la pa t tèlman defini. Pandan repetisyon, Mako rantre epi li di li konn chante. Epi la tou li pran mikwo a li chante:


<< Kaka a chita nan plas papa l, se yon malè ki fè nou mal...>>.

 

Pawòl sa yo pa t janm parèt sou plak. Men pawòl la te gen fòs ase pou fèmen repetisyon an. Mèt kay la te pè konsekans chante a te ka genyen sou fanmi n ann Ayiti. Wi yon grenn pawòl fò pase  50 bavadaj. Se kon sa ti grenn pawòl sa a kraze repetisyon.  Kwak Manno pa t nan repetisyon an, nou tout ki te la, nou te konnen se te sou enspirasyon l tou pawòl sa yo te rive sou nou. 


Manno Chalmay, mèsi pou enfliyans ou sou mwen, sou atachman mwen genyen ak Eritaj Ayisyen, Eritaj Ginen an.


Woukoukou!


Manno ou devan, mwen dèyè, nou tout sou Gran Chimen


Dr Jerry Gilles 

Commentaires

Enregistrer un commentaire

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.