Accéder au contenu principal

Mesaj lameri pou Pitit Pestel

 Mesaj lameri pou Pitit Pestèl 



Nap salye tout pitit Pestel.Nan dènye jou nan ane 2021 an nou vin di w mèsi pou sipò w te bay nan fason pa w.Se jès lanmou  ak solidarite sa a yo kap ede nou,malgre difikilte te gen kèk aktivite enpòtan ki te fèt nan kominote a.Pwofesè yo,pèsonèl sante yo,Pè yo ki nan komin nan,kiltivatè,ti machann yo,Gwoup òganize yo Mèsi pou sa nou fè kenbe la,bò kote pa nou nan Meri a,nou pa janm bouke lite pou gen DGI nan komin nan,sa kapab ede nou,plis pase 18 mwa gen anplaye ki pa touche,Meri toujou ap chèche ,nou pa janm bouke rete pi pre moun ki pi mal yo...pwoblèm matisan an koz anpil bagay pa mache pou nou.Tout moun ki kanpe ak nou depi 14 out 2021 an,mèsi anpil,nou ankouraje Dyaspora a toujou ede jan yo kapab,sèl solidarite ki ka sove nou.Lè leta a fèb,nou dwe Fò.Pou 2022 a nou swete yon lòt pestel nan rive posib,fòk nou tout patisipe nan respè youn pou lòt.Pwoblèm rout,dlo,kay pou moun dòmi ak anpil lòt se barikad pou avansman komin nan.Nou dwe fè politik yon lòt jan,jèn nan seksyon yo fòme,yo gen plas yo tou...


Nou swete tout pitit pestel mete divizyon sou kote pou travay nan enterè komin nan,nou kapab si nou vle...Meri a pa gen klan,nou la pou n travay ak tout moun🙏🏾.Nou pap ka site tout moun ki te ede nou,san nou sa te kapab pi mal.Nou la pou kèk jou ankò,nou pap janm sispann amelyore kalite travay nap fè yo.Pestel bezwen anpil pwojè dirab se sa a yo nou diskite ak anpil enstans.Domaj gen moun ki panse ONG kapab chanje pestel...Nan fen ane an nou dwe reflechi sou sa nou chak kòm pitit pestel dwe fè pou komin nan dekole.Fanm yo nou kapab pa limite nou,pa kite moun bloke nou,travay,ede fè sa nou kapab.ANE 2O22 A dwe yon ane pou n pran konsyans de kote nou ye,nou dwe batay,nou dwe mete moun kap travay nan enterè komin nan al defann nou nan pi wo nivo,an n sispann divizyon,nou lwen,nou parèt lèd nan voye kèk move imaj nan jan nap aji,nou dwe pran desten nou an men,nou se yon gwo komin ak yon bèl istwa,an n trase chemen pou sa kap vini yo.Nan chak katye nan komin nan dwe gen yon lidè pou ede popilasyon an pran konsyans pou n travay ansanm.Viv yon pestel ini.Nap swete tout moun kenbe fèm ,sante an batay ansanm pou menm koz.Bon konba pou 2022.

MEL majistra pou yon ti tan ...

31-12-2021

Inite,solidarite,kouraj🤝🏾🇭🇹🇭🇹

Commentaires

  1. Nou espère ak bòn volonte e kapasite reprezantan nou yo na va rive pi lwen pou 2022 a.

    RépondreSupprimer
  2. Nou espere 2022 à va pi bèl pou tout Moun, ti malerèz ak malere yo, tout kouch.
    Ke demache yo kontinye pou nou gen Yon ale mye kolektif, demache pou sikisal dgi a, se important...fòk nou gen Yon sikisal dgi.
    Demach pou wout yo, pèse wout agricole yo, dlo, pase men Nan ledikasyon,...bon jan devlopman kap dire Pou anpil jenerasyon.

    Felisitasyon La Mairie Pestel, travay di, kenbe la tout moun. Ane kap vini laa ap pi di ke menm jan nou pansel, pa gn travay, moun paka manje, moun pa gen pouvwa pou achte sa yo vle, pwodui premier nesesite yo se liks,... nou gen pou nou ranmase fòs nou pou nou kapab rete viv, si non nou tout prale ansanm.
    Bon lane 2022 tout Moun, nan la pè, la jwa, sekirite, lanmou Youn pou lòt.

    RépondreSupprimer

Enregistrer un commentaire

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.