Accéder au contenu principal

Vodou ak devlopman Ayiti pa Dr Jerry Gilles

 Vodou ak devlopman Ayiti pa Dr Jerry Gilles 


An nou ekspoze yon kout lang anpil moun repete pou lese konprann se Vodou ki kontrarye devlopman Ayiti.


Kouman pou moun janbe Lafrans ki te matirize moun kòm esklavaj, bèl vag 1 sou 3 Ayisyen ki te sètoblije mouri pou n te ka lib, pase sou endemnite ponya dèt Lafrans, pa mansyone teritwa nou pèdi pou Etazini ki volè angrè Lanavaz, tranblemann tè sou tranblemann tè ki detui sistèm irigasyon Latòti, Etazini ki te met anbago 65 ane sou peyi a, entèdi Etazini te entèdi Ayiti fè komès ak lòt zile Karayib la. Kouman pou moun arive fèmen je sou Okipasyon Ameriken ki kòmanse fè Ayisyen bwaze kite peyi a kòm dyaspora pou tè Ayisyen Ameriken t ap sezi pou pè Jaden Bannnan prive l kote li lonje bay Makdonal yon monopòl 50 ane sou ekspòtasyon Bannann (Se te premye nèg bannann nan, yon kokenn chenn ensilt pou politisyen k al re-ranmase non sa a).


Sa pa ret la. Kouman moun fè vag pèsekisyon Legliz kont kwayans lokal, lanmò ak destriksyon byen moun nan Rejete, destriksyon bitasyon diri, bitasyon zaboka, pou plante kawochou epi Ameriken vin bèl vag pwòp pwodui sa a li te plante a ki vin fè pri manje moute nan peyi a. Kouman moun arive vag lefèt, po klè pou po klè, apre okipasyon zile a, Ameriken te bay Dominikani yon pi gwo Lame pase Ayiti a e sa vin fasilite masak Ayisyen sou lòt bò zile a, e sa vin mete Dominikani enfliyan nan politik Ayiti.


Kouman nou arive pase sou lefèt Amerken te fèmen pò provens yo, entwodui premye baboukèt kont laprès. Li te defann jounalis kritike okipasyon an epi li santralize tout bagay nan Pòtoprens pou l te ka administre pi fasil epi sa vin kreye Repiblik Pòtoprens, yon dega nasyonal.


Tout sa, se twòkèt la. Kouman yon moun fè vag lanmò Chalmay Peralt, enstalasyon rejim bout di Divalye kòm baryè kont kominis e ki te vann Ayisyen kòm esklav brasewòs bay Dominikani pou lanse ekonomi Dominikani a. Kouman moun fè bèl vag lajan peyi a ki t al chita nan bank suis ki pèmèt pitit pittit sèten chèf leve san janm travay. Kouman moun arive vag domaj sida sou ekonomi a, domaj anbago sou ekonomi a, domaj enstistyon peyi a  ki te kontinye kraze nan eleksyon jan l pase l pase sou gouvènman Aristid la. Kouman nou arive bèl vag vòl Lajan Petwo a pou n vin di se Vodou ki kontrarye devlopman Ayiti.


Sa klè, nanpwen okenn Inivèsite, okenn liv ekonomi, okenn enstitisyon mondyal ki konn sa k rele lajan, tankou Bank Mondyal, tankou Fon Monitè Entènasyonal ki pral kanpe devan istwa peyi a, pou tounen di se Vodou ki kontrarye devlopman Ayiti.


Nou malere vre, e se  fòs nasyonal ak fòs entènasyonal ki mete peyi a nan kondisyon sa a. Sa pèmèt dan kolè sosyète a vire sou Vodou pou ba l chay ki pa pa l pote. Tout sa, pou mank kouraj kritike fòs destriksyon nan peyi a. Kounye a sa k rete pou moun di se Vodou ki touye Jovnèl. Adye ooooooo!

Commentaires

Posts les plus consultés de ce blog

Vidéo: Pestel: une espèce étrange découverte

 La population de Pestel a découvert, ce 7  mars, dans le fond une espèce d’animal qui leur paraît étrange. Il s’agit d’une espèce rare voire endémique. Selon une source contactée, elle serait atterrie dans la rade en suivant la trajectoire d’un voilier.  Voir vidéo 

Un jeune pressenti comme candidat à la députation

Un nouveau candidat à la députation en lice  Cette semaine, à la surprise générale, un nouveau visage fait soudainement son irruption sur la scène politique et s’apprête à se lancer officiellement dans les prochaines compétitions électorales.   Le jeune entrepreneur et ingénieur Francky Mesmin se dit prêt à se présenter candidat à la députation dans la prochaine compétition électorale pour la circonscription de Pestel.    Le jeune candidat multiplie déjà ses contacts et ses relations sur le terrain afin de rassembler le plus de gens autour de sa candidature.  Francky se dit engagé pour rehausser l’éclat de la commune. 

Décès du Dr Sénèque Philippe

Décès du Dr Sénèque Philippe  Le directeur médical du centre de santé de Pestel, Dr Sénèque Philippe, est décédé ce mercredi 23 mars, des suites d’un cancer. La nouvelle du décès du médecin a été confirmée par ses proches.  Pestel connexion blog présente ses condoléances aux familles Philippe et Belance.